Berisha: Amerika harron se kush jam un, me shpalli “non grada” por ne do largojme te gjithe jo-perendimoret nga shqiperia…

Lideri historik demokrat, Sali Berisha, në fjalimin e tij në stadiumin AirAlbania, u ndal në disa momente të rëndësishme.

Ai tha se lëvizja e tij kishte ardhur për shkak se opozita e Lulzim Bashës ishte bërë njësh me qeverinë. Duke u ndalur te vendimi i SHBA, Berisha nënvizoi sërish se nuk ka asnjë provë ndaj tij. Ai tha se nuk ka ndërmend të ndalet në misionin e tij për demokratizimin e PD-së dhe rikthimin e saj në pushtet.

Berisha nënvizoi se orientimi i PD dhe i Shqipërisë do të jetë vazhdimisht ai euro-atlantik. Si një mesazh për Perëndimin, Berisha tha se nuk do të lejojë asnjë influencë lindore në vend. Disa herë Berisha tha se ylli polar i vendit do të jetë integrimi, duke theksuar se qeverisja e tij ishte ajo e vetmja që e ka çuar përpara këtë integrim.

Berisha theksoi se qeverisja aktuale ka shënuar rekorde negative në fushën e krimit dhe korrupsionit, e megjithatë ka pasur mbështetjen e diplomatëve të huaj.

Duke ndarë burokratët nga shteti, Berisha tha se sulmet ndaj tij nuk vijnë nga SHBA, por nga mafia e Sorosit. Berisha i bëri thirrje DASH që të heqë vendimin ‘non grata’ ndaj tij, duke e quajtur një gabim. Në fund, Berisha foli sërish për rithemelimin e PD-së, duke theksuar se kjo gjë bëhet realitet sot edhe juridikisht.

 

 

Leave a Reply

Your email address will not be published. Required fields are marked *